հայ
Մամլո հաղորդագրություններՀայտարարություններԼուրերի արխիվԱկնարկՏեսանյութեր
Որոնում
|
|
|
|
|
 |
|
|
  |
|
2009-11-23
Հեռախոսամարաթոն 2009-ին սատարեց 12 400 ընտանիք  Ավարտվեց ”Հայաստան” համահայկական հիմնադրամի ավանդական, 10-րդ հեռախոսամարաթոնը: Այս տարվա հեռախոսամարաթոնին մասնակցել է 12.400 ընտանիք, ովքեր հանգանակություն կատարելու խոստում տվեցին: Նոյեմբերի 19-22-ը` չորս օր շարունակ, Ֆրանսիայի հինգ քաղաքներից` Փարիզ, Լիոն, Մարսել, Նիս (Նիցցա) եւ Մոնպելյե, շուրջ վեց հարյուր հիսուն կամավոր զանգահարեցին Եվրոպայում բնակվող մեր հայրենակիցներին եւ Հիմնադրամի առաջիկա ծրագրերը ներկայացնելով` մասնակցության կոչ կանեն: Հանգանակված գումարները հիմնականում կուղղվեն ՀՀ Տավուշի մարզում գյուղմթերքների արտադրության կազմակերպման և Լեռնային Ղարաբաղի Հանրապետության Ասկերանի շրջանին խմելու ջրով ապահովելու ծրագրերին: “Իրապես տպավորիչ է, երբ տեսնում ես թե հայրենիքից այսքան հեռու ինչպես են քո հարյուրավոր հայրենակիցները համախմբվում Հայաստանին եւ Արցախին օգնության ձեռք մեկնելու համար”, - նշել է Հիմնադրամի գործադիր տնօրեն Արա Վարդանյանը: Հիշեցնենք, որ Հիմնադրամի Ֆրանսիայի տեղական մարմինը 2000թ-ից սկսած անց է կացնում ամենամյա համաեվրոպական հեռախոսամարաթոն: Դրամահավաքին ակտիվորեն մասնակցում են նաեւ Հիմնադրամի Գերմանիայի եւՇվեյցարիայի տեղական մարմինները, այդ իսկ պատճառով Ֆրանսիայում կազմակերպվող հեռախոսամարաթոնը կոչում են նաեւ համաեվրոպական: Այս տարի հեռախոսամարաթոնն իրականացնող 650 կամավորների եւ աշխատակիցների թիմի մեծ մասը Ֆրանսիայից էին, 23-ը` Գերմանիայից, իսկ 6 մարդ մասնակցում էր Շվեյցարիայից: Ֆրանսիայի տեղական մարմնի ատենապետ Պետրոս Թերզայանի հավաստմամբ. “12 400 ընտանիք, ովքեր մասնակցել են մեր Ֆոնոթոնին` թվով 50 հազար մարդ, ոչ թե պարտավորություն են զգում մասնակցելու, այլ դա անում են ազատ ընտրությամբ` ցույց տալով իրենց սերն ու հոգատարությունն առ Հայաստանն ու Արցախ”: Հավելենք նաեւ, որ Հեռախոսամարաթոնի գլխավոր գործընկերն է Ֆրանս Տելեկոմ Օրանժը, որը տարիներ շարունակ գործուն եւ տեխնիկական նշանակալի աջակցություն է ցուցաբերում այս կարեւորագույն դրամահավաք միջոցառմանը: Նվիրատվություննների հավաքագրման նպատակով Ֆրանս Տելեկոմը հատկացրել էր հատուկ հեռախոսահամար` 0 810 10 14 14, իսկ մինչ մարաթոնի մեկնարկը տեխնիկական աջակցության շնորհիվ 50 000 բաժանորդի ուղարկվել է հատուկ հաղորդագրություն` «Հեռախոսամարաթոն 2009»-ի կնքամայր հայազգի երգչուհի Հելեն Սեգարայի անունից: Նկարներ
Ծրագրի մասին Այլ Նորություններ  2013-05-23Հանդիսությամբ բացվեցին Կարմիր Շուկա գյուղի խմելու ջրի համակարգը եւ Մարտունու հիվանդանոցը  2013-05-17"Հայաստան" հիմնադրամի Հոգաբարձուների խորհրդի ամենամյա նիստը կկայանա մայիսի 30-ին  2013-05-06Փաստաբան Մարկ Կիրակոսն իր գրքի վաճառքից ստացված հասույթի մի մասը նվիրաբերել է "Հայաստան" հիմնադրամին  2013-04-23Հանդիսությամբ բացվեց Դիտավան համայնքի նորակառույց դպրոցը  2013-04-11Հիմնադրամը Շուշիում կառուցում է երեխաների գիշերօթիկ խնամքի հաստատություն  2013-04-04Visa «ԲԱՐԵՐԱՐ» քարտ  2013-04-02Ավարտվել է Հայաստանի Հանրապետության Նախագահի 2012 թվականի երիտասարդական մրցանակի եզրափակիչ փուլը  2013-03-22Ընթացքում է "Դասական երաժշտություն" բնագավառում Հանրապետության Նախագահի 2012 երիտասարդական մրցանակի համար մրցույթը  2013-03-18Հիմնադրամի Գերմանիայի տեղական մարմնի ատենապետ Ժիլբեր Մոմջյանին շնորհվեց Ֆրիտյոֆ Նանսենի հուշամեդալ  2013-03-04"Հայաստան" հիմնադրամը Շիրակի մարզի Բավրա գյուղում համայնքային կենտրոն է կառուցում |
| ||
 |
մշակված է  |
|
